Jan 24, 2024
Инглизлар Ҳиндистонни босиб олиш пайти кобралар сонини қисқартирмоқчи бўлишди. Улар маҳаллий аҳолига уни тутиб овлашса мукофот беришларини таклиф қилишди.
Бутун аҳоли ёпирилиб кобра илонларни йўқ қилишга киришди, бироз вақт ўтгач эса бунга параллел равишда жонзотни кўпайтиришга ҳам тутинишди, чунки улар ўз даромадларини сезиларли оширишга эришишганди.
Кобралар боши учун тақдирлаш бекор қилинганда барча илонларни эркинликка қўйворишди, бу эса кобраларнинг ўта кенг кўламда урчиб кўпайишига олиб келди.
Ушбу воқеадан сўнг "Кобра эффекти" ибораси пайдо бўлди, бу маълум бир масалани ҳал этиш учун чоралар қабул қилинганда у кутилмаган оқибатларни келтириб чиқариб, натижада вазият бадтар чигаллашган ҳолга айтилади.
