"Чучвара қуллик"

Қозоғистонда икки қиз ўз уйларида ўтириш уюштиришга ёш йигитларни йўлдан уришган, бу ерда эса уларнинг ҳамтовоқлари тўрга тушган йигитларни чучвара тугишга мажбурлашган. Уч кундан сўнг ёки 400 та пакет чучвара тугилгач, йигитларни қўйворишган, қизлар эса янги қурбонларни овлашга йўлга чиқишган, деб хабар беради " ЭкспрессК" қозоқ нашри. 

Рустам исмли "чучвара қуллиги" да бўлган йигитлардан бирининг айтишича, қизлар билан дўсти иккаласи тунги клуб яқинида сариқ рангдаги хориж русумидаги қимматбаҳо машинада танишишган. Улардан бири гўёки ота-онаси уйда йўқлиги сабабли квартирасига таклиф қилган. 

Йўл-йўлакай дўкондан ичимлик ва овқат олишиб, йигитлар хонадонга етиб келишади. Бироқ улфатчилик ўрнига уларни мутлақо бошқа бир нима кутаётганди: бошқа хонадан уч нафар барзанги эркак чиқиб қизлар уларнинг маҳбубаси эканлигини билдириб, агарда 400 дона чучвара тугишса уларни авф этишларини маълум қилишади. "Хамирни қандайдир кампир ясарди, биз эса чучвара тугардик. Нормани бажарганимиздан сўнг бизни қўйворишди. Қизлар эса ўша куниёқ, оқшом янги қуллар овига чиқишди,"- деди Рустам. 

Фирибгарларнинг қурбонларнинг бирортаси ҳақорат ва тазйиқдан чўчиб полиция мурожаат қилмаслиги ҳақидаги ҳисоб китоби тўғри чиқаётганди. Кейинроқ Рустам қизларни тунги клуб ёнида учратди. Қизлар уни танишиб, у билан ўртада ҳеч нима бўлмагандек саломлашишди, уларнинг айтишича, чучвара тугиш цехи ўз маромида ишлаб келмоқда, шу вақт ичида биргина ножоиз ҳодиса юз берган, навбатдаги "қул"лардан бири карате бўйича қора белбоғ соҳиби бўлиб чиққан, у уч нафар зўравонни дўппослаб, бир жуфт пакет чучварани қўлтиқлаганча хонадонни тарк этган.