Бахт кечикмайди...

Бир аёл пўстин сотиб олди. У эллик ёшга кирди, шунга ўзига пўстин совға қилди- калтагина, узуни жуда қиммат, ахир! Бироқ барибир бебаҳо буюм! Ҳаётида илк бор ўзига шундай нарсани раво кўрди - пул жамғарди. 

Гул-гул яшнаб, уни кийиб кўрди. Кўзгуга қараб қийшангланди, ороланди, севинчдан юзига табассум югурди. Қизи ҳам университетдан ўқишдан келди. Унга ҳам пўстин ёқди. Ва у рўй-рост шундай деди: "Пўстинмисан пўстин экан! Ойижон, яхшиси, уни менга беринг, пўстин учун жуда ҳам кексайгансиз. У сизга ярашмаган!" 

Шунда аёл кўзгуда ёши улуғ серажин семиз хола хотинни кўрди. Юзи рангпарлашган, табассумдан асар ҳам қолмаган. Сочи илдизидан туртган оқ ранг жилоланиб турибди. Нигоҳлар ҳам тунд... У бир лаҳзада қартайди, ҳозиргина ёш қизчадек хиром айлаётганди. Пўстинни кийиб меҳмонга боришни орзу қилаётганди. Ёки ресторанга - Умрида бор йўғи уч марта ресторанга борган. Меҳмонга эса доим борарди- эси кирди-чиқди аммасини кўргани. Деярли ҳар ҳафта. Ва аёл бирданига жудаям қайғуга чўмди.. 

Пўстинни ечиб, қизига тутқазиб минғирлади: ола қол! Ростдан менга нима кераги бор! Яқинда нафақага чиқсам... 

Тунда эса армондан ҳўнг-ҳўнг йиғлади: кўз ёшлар дув тўкилиб, ёстиқ ҳўлланди: ҳаёт зумда ўтди-кетди... У умрида жуда ҳам кам яхшисини кўрди... 

Хуллас, мазкур фожеавий воқеа кутилмаган ечим топди. Эртаси тонгда аёл пўстинни қўлтиқлаб, жанжал кўтариб уни дўконга топширди. Ундан чўчишиб, пўстинни қабул қилиб олишди, аёл эси ўзида йўқ эди. Шаллақи ва хавфли. 

Қайтарилган пулга аёл ўзига ноутбук сотиб олди- қизи компьютердан фойдаланар, онасига бермасди. Кел, танишамиз мазмунида сайтда осонгина рўйхатдан ўтди ва ўзича овоз чиқариб деди: " мен қариманми? Ҳали сенларга кўрсатиб қўяман! "

Сўнгра эса қизига пўстинни ваҳшийлар кийиши ҳақида маъруза қилди. Синтетика киймоқ лозим! Табиатни асрамоқ керак! 

Ҳозирда эса бу аёлга пўстиннинг ҳожати йўқ, ҳатто сунъийси ҳам. У иссиқ ўлкалардан бирига, болалари унга ҳам жуда кексасан деган эркакнинг ёнига кетди. Уни ғарибхонага жойлаштиришмоқчи эди. Бу эркак қаватида аёл ҳатто янада ёш ва дуркун кўринарди. Скайпда қизи буни фаҳмлади, барибир у онасини ақлдан озган санарди. Мен эса бундай ўйламайман. Унинг ақли аслида энди жойига келгандек. 

А. Кирьянова