Бахт шодлиги

Радиобошловчи аёл нигериялик миллиардер Феми Отоделга телефон орқали интервьюда шундай саволни берди: "Жаноб, ҳаётда сизни жуда ҳам бахтли инсон этиб ҳис қилдирган қандай воқеани эслайсиз?"
Феми жавоб берди: "Мен бахтиёрликнинг тўрт босқичини босиб, чинакам бахт нима эканини ниҳоят тушуниб етдим.
Илк босқич бойлик ва маблағ тўплашдан иборат бўлди. Бироқ мазкур босқичда ўзим ҳоҳлаган бахтни туймадим.
Сўнгра эса қимматбаҳо буюмлар йиғиш босқичи бошланди. Аммо бу машғулотдан олинадиган натижа фоний экани ва қиммат нарсалар узоқ вақтга йилтираб турмаслигини англаб етдим.
Кейин йирик лойиҳаларни қўлга киритиш босқичи бошланди. Бу Нигерия ва Африкага 95 фоиз дизель ёнилғисини етказиш билан боғлиқ эди. Мен шунингдек Африка ва Осиёда улкан кемалар соҳиби эдим. Лекин бунда ҳам ўзим орзу қилган бахтни топмадим.
Тўртинчи босқичда бир дўстим мендан ногирон болалар учун ногиронлик аравачаларини сотиб олишни сўради. Жами болалар сони 200 та эди. Дўстимнинг илтимосига кўра мен дарҳол аравачаларни харид қилдим. Аммо дўстим у билан бирга бориб, болаларга аравачаларни топширишни айтди. Хуллас у билан бирга кетдим.
У ерда ўз қўлим билан болачаларга аравачаларни ҳадя этдим. Мен бу болаларнинг чеҳрасида бахтнинг ажабтовур чақнашини кўрдим. Улар жекпот ютуғини тақсимлаш учун алоҳида сайр жойга йиғилишгандек мамнун эдилар. Мен ичимдан ростакам қувонч ҳиссини кечираётган эдим.
Кетар чоғим болалардан бири оёғимдан маҳкам ушлаб олди. Мен эҳтиёткорона оёқларимни бўшатишга уриндим, аммо болакай менга боқиб, оёқларимни қаттиқ сиқиб турарди. Мен энкайиб, боладан сўрадим: "Сенга нимадир керакми?"
Бу бола қайтарган жавоб онгимни бутунлай ағдар тўнтар қилиб ҳаётга нисбатан муносабатимни ўзгартириб юборди. Бу бола шундай деди:
" Осмонларда сени учратиб қолсам, яна миннатдорлик изҳор этиш учун юз тузилишингни эслаб қолмоқчиман. "